Ծրագիրը՝ Ծեսրի կենտրոնի
Հունվարի 26․9։30-11։00
Վայրը՝ Սեբաստացի կենտրոն
Գագարին նախագծի սովորողներով աշխատանք ուսումնական ծիսական խոհանոցում․ համակարգող-հյուրընկալներ՝ Վիկտորիա Հակոբյան և ճամբարականներ
Պատրաստում ենք՝
աղի բլիթներ
փոխինձ
Ս. Սարգսի տոնը Հայաստանում ընդունված է նշել ոչ միայն եկեղեցական ծեսով, աղոթքով, այլեւ ժողովրդական սովորույթներով, որը մեզանում նվիրական ավանդույթ է: Ս. Սարգիսը երիտասարդների արագահաս բարեխոսն է: Նրա միջնորդությամբ հրաշքներ են տեղի ունենում: Այդ օրը երիտասարդներն աղոթում են Սրբին, որ իրենց աղոթքները հասցնի առ Աստված: Ս. Սարգիսը սիրո երազանքն իրականացնող Սուրբ է: Սուրբ Սարգիս տոնի անբաժանալի մասն է աղի բլիթի արարողությունը: Տոնի նախորդ օրը երիտասարդներն ուտում են աղի բլիթ` հույսով, որ երազին իրենց կյանքի ուղեկիցը ջուր կտա:
Ինչպես պատրաստել աղի բլիթ
Բաղադրիչներ.
ալյուր – 1 բաժակ,
աղ – 1 ճ. գդ.,
ջուր
Ալյուրը մաղել, խառնել աղի հետ: Ավելացնել այնքան ջուր, որ ստացվի պինդ խմոր: Խմորը բաժանել փոքրիկ գնդիկների, գրտնակով կլոր բացել: Բլիթները շարել տապակի վրա, թխել մինչև վարդագույն դառնալը:
Մասնակիցներ՝Գագարին կլաստերի դպրոցների սովորողներ,դասավանդողներ,ավագ դպրոցի սովորողների ջոկատ։
Աղի բլիթի ծես 2023